Қазақ есімдері. Энциклопедиялық анықтамалық

Бұл энциклопедиялық анықтамалықта шығу төркіні бойынша әлем халқының отыздан аса тілдерінен жұғысты болған 70 мыңнан аса дербес қазақ есімдері жинақталған. Өте танымал және әуезділігімен ерекшеленетін есімдермен қатар, мағынасының өзіндік тарихи көкейкестілігі жоғалған, архаизмдерге айналған есімдер де енген бұл басылым бүгінгі күні қазақ есімдері толықтай жинақталған бірден-бір сөздік болып саналады.

Энциклопедия бірқатар есімдердің шығу төркіні, пайда болуы, мағынасы, ұғымы қысқаша берілген этимологиялық түсініктеме қызметін де атқарады. «Этимологиялық түсініктемеде» 12 мыңнан аса қазақ есімдерінің мән-мағынасы сараланған.

Жекелей көрсетілген, көзге ерекше түсетін «тосын» және «жасанды» есімдер дәстүрлі еместігіне қарамастан, халық арасында қолданылған және қолданыла да береді. Осы еңбекке пайдаланылған дерек көздерінен алынған кейбір қызықты мағлұматтар «Білгенге — маржан», «Оқыңыз, қызық!» деген бөлімдерде орналасқан.