Оқуға үйрету. Оқу сауаттылығын дамыту. 2-ші саты

С. В. Трофимова

Серия: Алтын топтама

Оқу сауаттылығы функционалдық сауаттылықтың түп негізі болып табылады. Қазіргі таңда ақпаратпен жұмыс істей алу, оны оқып және түсіне білу — жетістікке жетудің көзі. Сондықтан оқытудың алғашқы сатысында жеке тұлғаның қалыптасуының негізі саналатын түсіне оқудың дамуына жіті көңіл бөлу қажет. Заманауи қоғамда оқу қабілеті тек оқу техникасымен шектеліп қалмау керек. Оқи білетін бала мәтінді түсінуге үйренеді, мәтіннің мағынасын ұғынады, оқыған материалды әңгімелесіп отырған адамға мәлімдеп береді.
Жоғарғы сыныптарда ақпарат көлемі күрт көбейеді, сол кезде оқушыға көп оқып түсінуге ғана емес, сондай-ақ оқыған материалды талдауға, топтастыруға және қорытынды жасауға тура келеді. Осылайша мағынасын түсініп оқу сауаттылық сабақтарында жетістікке жету үшін ғана емес, кез-келген салада зияткерлік даму үшін негіз қалайды. Оқуды үйрену әртүрлі тәсілдер мен жаттығуларды пайдалана отырып біртіндеп жүзеге асады. К. Д. Ушинскийдің әріптерді үйрену әдістемесі негізге алынған.