Робинзон Крузо

Даниель Дефо

+30 (бонусов)

Ағылшын жазушысы Даниель Дефо «Робинзон Крузо» атты романы — күллі әлемге танылған әйгілі шығарма. Шытырман оқиғаға толы романды оқығанда құдды аңыз отырғандай күй кешесің. Бірақ роман желісінде шотланд теңізшісінің шынайы өмірде бастан кешкен шымшытырлық оқиғалары бар. Сонысымен де роман өте қызықты. Романның К.Чуковский аударған нұсқасын қайта тәржімалап, назарларыңызға ұсынып отырмыз. Кітап балалар мен барша әдебиетсүйер қауымға арналған.

Бұл романның сюжеті өмірде болған оқиғадан алынған. 1704 жылы шотландтық Александр Селькирк есімді теңізші кеме капитанымен ерегісіп қалады. Капитан ашуланып, оны Чилидің жанындағы елеусіз бір аралға тастап кетеді. Александр сол аралда 4 жыл өмір сүреді. Бірде оны бір кеме көріп құтқарып алады. Еліне келген соң Александр бастан кешкен оқиғаларын қызықты етіп айта бастайды. Мұның әңгімесін Даниел Дефо естиді. Дефоның енді ғана жазушы ретінде танылып келе жатқан кезі еді. Ол романды «Робинзон Крузо» деп атайды. Шығарманы қызықты ету үшін XII ғасырда өмір сүрген мавритан философы ибн Туфайлдың «Хай туралы әңгімесін» пайдаланады. Бұл роман расымен де, Еуропада дүмпу туғызады. Теңізші болып, саяхаттау бүлдіршіндердің арман-мақсатына айналады.