Психология

Жүсіпбек Аймауытов

Серия: Психология

Бұл кітапта Жүсіпбек Аймауытұлы «Психология» ғылымын терең ұғынып, ұғынықты тілде жазып шыққан. «Психология» сол уақыттағы осы салада қазақ тілінде жазылған тұңғыш еңбек және мұндағы теориялық тұжы- рымдар өз актуалдығын жоймаған. Жүсіпбек Аймауытұлының «Психология» мұрасы туралы құрастырушыдан «Психология» еңбегі Ж.Аймауытұлының 1926 жылы жарық көрген жан жүйесі туралы еңбегінің негізінде даярланды. Атап айтсақ, 1998 жылы «Ғылым» баспасынан жарық көрген 5 томдық шығармалар жинағының төртінші томына сәйкес теріліп, өзгеріссіз ұсынылып отыр. Ол томда «Психология» — 7-226 беттерді қамтыған еді. 1996-1999 жылдары жарық көрген Ж.Аймауытұлының 5 томдық шығармаларын М.О.Әуезов атындағы Әдебиет және өнер институтының қызметкерлері дайындаған болатын (Жауапты редакторы: С.Қирабаев, жауапты шығарушы: Б.Байғалиев, ғылыми түсініктерін жазып, баспаға әзірлегендер: Д.Қамзабекұлы, С.Аққұлыұлы, Г.Ахметов, А.Асан). 1998 жылы басылымдағы төртінші томның түсініктерін Құбығұл Жарықбаевпен бірігіп жазып шықтық. Марқұм психология-педагогика ғылымдарының докторы, профессор Қ.Жарықбаевтың соңғы сөз орнына жазған «Жүсіпбек Аймауытовтың психологиялық еңбектері хақында» атты мақаласы да сол қалпында қайта жарияланған еді.

Осы жолы 25 жыл бұрынғы аталған еңбекті тағы бір пысықтап, оқырманға ұсынып отырмыз. Бұл кітап қазақ әдебиетінің XX ғасырдағы ірі өкілі Ж.Аймауытұлының елеулі бір қырын — ғалымдық-ағартушылығын көрсетеді. Ғұмырбаянынан мәлім, Жүсіпбек Аймауытұлының негізінен алған білімі де, істеген қызметі де — мұғалімдік. Қазақ та- рихында қайта өрлеу дәуірі саналатын XX ғасырдың басында оқығандардың бәрі ағартушылық бағыт.