Қылышсыз самурай

Китами Масао

Қадірлі оқырман, бұл кітап сізге Тоётоми Хидэёсидің өмір жолын баяндай отырып, жеңіске һәм жетістікке жетелейтін көшбасшылық құпиясын паш етеді. «Таласқан аймақтар дәуірінде», билік үшін қиян-кескі ұрыс жүріп жатқанда Жапонияны біріктіріп, билеген ұлы қолбасшының дара жолы баяндалады. Қоғамда тек бай мен самурай ғана лайық өмір сүре алатын заманда қолына қару ұстай алмайтын, қарадан шыққан қысқа бойлы «маймыл» билік шыңына шығып, жүз жылға созылған соғысты аяқтайды. Ол — Тоётоми Хидэёси. Хидэёси ұрыс өнерінен ада болса да, стратегиялық ойлауы мен тапқырлығының арқасында жолындағы бар кедергіні еңсеріп өтті. Ол қылыштың емес, көңілдің күшін арқау етіп әр қызметші жанын қиюға даяр көшбасшыға айналды. Бұл кітапта Хидэёси негіз етіп алған көшбасшылық қағидалары ұсынылады. Тумысынан маңдайына тіршілік үшін талас қана жазылған адам қалай қазіргі Жапония мемлекетінің негізін құраушы атасына айналғанын біліңіз. Көшбасшылық жолыңызды осы кітапты оқудан бастаңыз!