Қазақ Ру-тайпаларының тарихы: VII-том «Рамадан»

+71 (бонус)

Қазақ ру-тайпаларының тарихы ғылыми-зерттеу жобасы аясында жарық көріп отырған жетінші том — «Рамадан» атты еңбекте ерте ортағасырлардан ХХ ғасырдың басына дейінгі Кіші жүздің Жетіру тайпалар бірлестігіндегі Рамадан тайпасының тарихы баяндалған. Әртүрлі деректер мен нақты зерттеулерді талдау негізінде Түрік қағанаты тұсында батысқа жылжыған рамадандардың арғы бабаларының тарихи тағдыры, олардың қыпшақ, башқұрт және ноғай бірлестіктеріндегі, Алтын Орда құрамындағы және ол ыдырағаннан кейінгі Моғолстан, Ноғай Ордасы, Қазақ хандығы тұсындағы этникалық процестердегі, ұлт-азаттық қозғалыстарындағы орны мен рөлі көрсетілген. Тарихымызда зерттеле қоймаған «ақтаңдақ» мәселелер — Рамадандардың этникалық тамыры, тайпаның шежіре деректері, түркі халықтарында және қазақ жерінде шашырай орналасуының себеп-салдары және т.б. көптеген тың мәліметтер негізінде баяндалған.

Том тарихи суреттермен, карталармен, ғылыми аппаратпен көрсеткіштермен жабдықталған. Тарихшыларға, Отан тарихы пәнінің оқытушыларына, еліміздің, қазақ халқының күрделі тарихының этникалық мәселелері қызықтыратын оқырмандардың қалың тобына арналған.