Төрт ұлыстың тарихы

-11%

+40 (бонусов)

Мырза Ұлықбектің «Төрт ұлыс тарихы» атты аса құнды бұл еңбегі 1425 жылы парсы тілінде жазылған. Бірақ әлем жұртшылығына ол тек XVI ғасырдан бері ғана белгілі болған, өзбек тіліне алғаш рет 1997 жылы аударылған. Ал оны 2025 жылы өзбек тілінен қазақ тіліне Зәріпбай Оразбай мен Уразбаев Ділмурат аударып шықты.

Аталған кітапта түркі халыктарының әу бастағы шығу тегі, Шыңғыз хан империясының құрылуы мен оның төрт ұлысының тарихы, Шыңғыз хан мен Әмір Темір әулетінің туысқандығы, олардын түркілердің мұғул тармағынан шыққандығы туралы нақты шежіресі Әмір Темірдің билікке келу жолы, оның мемлекет баскару жуйесі, әскери жорықтары, тарихи жеңістері, мұсылмандық ұстанымы, туркі-мұсылман өркениетіне қосқан үлесі, ұрпақтарының билігі егжей-тегжейлі баяндалған.

Аудармашылардың пікірінше, бұл еңбек қазақ тарихы мен мәдени мұрасын тереңірек түсінуге, туркі өркениетінің даму жолын саралауға мүмкіндік береді және түркі халықтарының тарихына жаңаша көзқарас қалыптастырып, Кеңес Одағы мен Батыс Еуропаның евроцентризтік идеологиялық ықпалына байланысты туындаған тарихи ақтаңдақтарды толтыруға көмектеседі. Кітап қалың окырмандарға, ғалымдарға, докторанттар мен магистранттарға және студенттерге арналады.