Жеңіс кітабының таңдаулы тарихтары

«Жеңіс кітабының таңдаулы тарихтары» XVI ғасырдың басында жазылған тарихи шығарма. Шығарманын атауы «Тауарих-и гузида-и Нусрат-нама» деп берілген. Тарихи туынды 1502 жылы басталып, 1504 жылы аяқталған. «Тауарих-и гузида-и Нусрат-нама» — XVI ғасырдағы тарихи маңызды дереккөздердің бірі. Оның авторлығы әлі де зерттеу нысаны болып табылады, бірақ көпшілік ғалымдар Мұхаммед Шайбани ханның шығармашылық қатысуын жоққа шығармайды. Еңбектің тілі мен стилі оны ханның өзі немесе оның тікелей бақылауымен жазылған деген тұжырымды күшейтеді. Бұл шығарма Орта Азиядағы саяси және әскери оқиғаларды зерттеуде айтарлықтай маңызға ие.
Аталмыш тарихи еңбек Орта Азия халықтарының тарихы мен мәдени мұрасын тереңірек түсінуге және туркі халықтарының тарихына жаңаша көзқарас қалыптастыруға мүмкіндік беретіні сөзсіз. Шығарма осынысымен құнды.
Кітап қалың оқырманға, ғалымдарға, докторанттар мен магистранттарға және студенттерге арналған.