Қазақ Ру-тайпаларының тарихы: Арғын IХ-том. 3-томдық кітап

«Қазақ ру-тайпаларының тарихы» ғылыми-зерттеу жобасы аясында жарық көріп отырған тоғызыншы том — «Арғын» атты еңбекте ерте ортағасырлардан ХХ ғасырдың басына дейінгі Арғын тайпасының тарихы баяндалған. Әртүрлі деректер мен нақты зерттеулерді талдау негізінде арғындардың арғы бабаларының тарихы тағдыры, олардың Мәуереннахр, Шағатай мен Жошы ұлысы және Алтын Орда кұрамындағы және олар ыдырағаннан кейінгі Ноғай Ордасы, Ақ Орда, Моғолстан, Әмір Темір және оның ұрпақтары мемлекеті, Қазақ хандығы тұсындағы этникалық процесстердегі, ұлт-азаттық қозғалыстарындағы орны мен рөлі көрсетілген. Тарихымызда зерттеле қоймаған «ақтаңдақ» мәселелер — Орта жүздегі көпсанды тайпалардың бірі арғындардың этникалық тамыры, оның шежіре деректері, түркі халықтарында және қазақ жерінде шашырай орналасуының себеп-салдарлары және т.б. көптелген тың мәліметтер негізінде баяндалған.
Том тарихи суреттермен, карталармен, ғылыми аппаратпен, көрсеткіштермен жабдықталған. Тарихшыларға, Отан тарихы пәнінің оқытушыларына, еліміздің, қазақ халқының күрделі тарихының этникалық мәселелері қызықтыратын оқырмандардың қалың тобына арналған.