Қазақтың атбегілік өнері

Бекен Қайратұлы

Жылқытану тақырыбын қамтыған бұл кітапта: жалпы жылқы түлігінің анатомиялық ерекшелігін қысқаша таныстыра отырып, қазақ халқының генетикалық таным-зердесінде сақталған жылқы сыны жайлы мағлұмат бар. Әрі байырғы қазақ сыншыларының ат сынау, жүйрік тану үлгілері топтастырылған. Сонымен қатар халқымыздың ежелгі атбегілік өнерін, көне көшпенділердің ат баптау тәжірибесімен ұштастыра зерделеп, ат баптаудың байырғы этникалық әдіс-айласы, іс-тәжірибесімен таныстырады. Сондай-ақ жылқы түлігінің жайылымы, түстеп-таңбалаудың маңызы, жас ерекшелігін ажыратудың жөн-жосығы, жылқы жабдықтарын пайдалану үлгісі, байырғы және қазіргі жылқы тұқымдары жайлы мәлімет, бұрынғы қазақы жүйріктің түрлері, жылқы малында болатын ауруларды емдеудің этнотәсілі қатарлы қазіргі қоғамға қажет дүниелер қамтылған.

Кітаптың жазылу мағына-мәнеріне байланысты көпшілік оқырманға және атбегілік өнерді меңгеруге ниет еткен адамдарға арналған.