Сергей Калмыков. Альбом.

Сергей Калмыков — өмірге, өнерге ерекше озық көзқарасы авангардтық туындыларында көрініс тапқан ХХ ғасырдың көрнекті суретшісі. Адамдық болмыстың баянды бақытын тылсымға толы қылқалам мен майлы бояудан тапқан ұлы суретшінің талантты туындылары Қазақстанның шын мәніндегі аса бай көркемсурет қазынасының асыл мұрасына айналып, бүгінгі таңда әлемдік өнертанушылардың қызығушылығын тудырып отыр.

Суретшінің Ә.Қастеев атындағы ҚР Мемлекеттік өнер мұражайында сақталған 250-дей үздік шығармалары негізінде жасалған бұл альбом суретшілерге, өнертанушыларға және көпшілік өнер сүйер қауымға арналады.