Қасым Қайсенов
Подписаться на новинки персоны
Книги Қасым Қайсенов
23 сәуірде Шығыс Қазақстан облысы, Ұлан ауданы, Асубұлақ ауылында туған. Өскемен саяси-ағарту техникумын бітірген (1938). 1939–1940 жж. Павлодар облыстық оқу бөлімінде инспектор болды. 1940 жылы Қызыл Армия қатарына шақырылып, арнаулы әскери мектептен өтті. Ұлы Отан соғысы жылдарында жау тылында партизандық қозғалысты ұйымдастыруға белсене қатысты. Ол басқарған отряд ғажап ерлік үлгісін көрсетті. 1945–1953 жж. Қазақ КСР Жоғарғы Кеңесінің Президиумында, Жамбыл облысының Жуалы, Свердлов аудандық кеңестерінің атқару комитеттерінде жауапты қызметте болды. 1953–1970 жж. Қазақстан Жазушылар одағында және баспа орындарында («Жазушы», «Қайнар») редактор, директордың орынбасары қызметтерін атқарды. Ұлы Отан соғысы кезіндегі өзінің партизандық өмір жолы, қарулас достарының қаһармандық ерлік істері жайлы сыр шертетін «Жас партизандар» (1954), «Илько Витряк» «Переяслав партизандары» (1956), «Ажал аузында» (1959), «Жау тылындағы бала» (1961), «Жау тылында» (1973), «Партизан соқпақтары» (1978), «Мен жастарға сенемін» (2004), т.б. әңгіме, очерк, повесть жинақтарын шығарды. Шығармалары шетел (орыс, украин, қырғыз, т.б.) тілдеріне аударылған.
3-дәрежелі Б.Хмельницкий, 2 рет 1-дәрежелі Отан соғысы ордендерімен, көптеген медальдармен, сондай-ақ «Чехословакия партизаны» орденімен, есімі жазылған қарумен марапатталған. Қазақстанның Халық Қаһарманы.
