Фестивальдар. Балаларға арналған танымдық энциклопедия

Халқымызда «Іздеген жетер мұратқа» деген дана сөз бар. Яғни, әр нәрсені білуге талпыну, білімнің тереңіне бойлау – адамды кемелдікке жеткізеді, рухани байытады. Дүниеде балалар түсіне бермейтін жәйттер көп-ақ. Өмірді жете танығысы, бәрін білгісі келетін олар «Ол кім?», «Бұл не?», «Неліктен?», «Қайда?», «Қашан?» деген тәрізді сұрақтарға жауап іздеп, бір тыным таппайды. Олардың осылайша ізденімпаздық танытуы – табиғи заңдылық.

Осы орайда, балаларға бағыт-бағдар сілтейтін түрлі танымдық әдебиеттердің көмегі зор екендігін ескере келе, кішкентай оқырмандардың білуге деген құштарлығын қанағаттандыру үшін «Аруна» баспасы «Балаларға арналған танымдық энциклопедия» топтамасын ұсынып отыр. Сан алуан тақырыпты қамтитын суретті энциклопедиялар балалардың жан-жақты кемелденіп, білімін тереңдете түсуіне, өзі өмір сүріп отырған ортаның қыр-сырын тануға, дүниетанымын кеңейтуге көп көмегін тигізеді деп сенеміз.