Көне қыпшақ шежіресі. 2-томдық

Бахыт Хасенұлы

+280 (бонусов)

Бұл кітапта бүгінгіміз бен өткеніміз жалғасқан Ұлы Дала тарихы өздерінің терең іздерін қалдырып, көп тайпалар бірлестігі (Сақ, Ғұн, Үйсін, Қаңлы, және Түрік Қағандығы - "Мәңгілік ел", Қыпшақ хандығы, Ақ Орда т.б. мемлекеттермен) сабақтастығы үзілмей жалғасып жатқан тікелей Сақ түп-төркіні мұрагері ретінде бүгінгі тәуелсіз Қазақстан Мемлекеті - Атамекеніміз туралы айтылады.

Бұл тарихи-шежіре, тамырымызды табу мен тану бағытындағы жазылған еңбегіміз, қоғам талабына жауап бере алатындай, ұрпақ үшін құндылық бола алатындай, ішінде дәні бар дүние болса, кәдеге асса - қуаныш. Шынайы төл тарихымызды жазу үшін, тарихи маңызы бар әрбір тарихи мәселе туралы, ұлы тұлғалар туралы әрбір сөздері дәлелсіз айтылмаған. Сол үшін, біраз жиналған құжаттарды, қол жазбаларды, шетел құжаттарына қол жеткізген ғалымдар мен оқымастылар еңбектерімен салыстырып отырған. Оның ішінен осы дұрыс-ау дегенін негізге алу нәтижесінде бұл шежіре көптеген қосалқы деректер, мәліметтер, анықтамалармен айғақталды.

Бүгінгі Елдік, Ұлттық санамызды бірлікте нығайту маңыздығымен, батыр бабалар, патшалар мен даналар жайлы өз Отанын сүюге үндейтін сыр шерткендігімен, бұл тарихи және ғибырат аларлық шежіре болғандығымен құндылығы да байқалады. Ертедегі шежірелерде ерлер ғана жазылып келсе, бұл шежіренің ерекшелігі ел-жұртына үлгі болған әжелер мен аналар, елін жаудан қорғаған ерімен бірге атқа қонған жұбайы мен батыр қыздар туралы да айтылады.

Табиғи тән қасиеттер, адами құндылықтар мен мәдениетіміздің, ескі жұрнақтарын қастерлейік, келеңсіз жәйіттерден жиренейік деп, кейінгілерге үлгі болар жағы да ескертілген.

Бұл кітап - өзін қыпшақ-қазақпын деп санайтын азаматтардың бір-біріне сыйлық ретінде беретін, әр шаңырағының төрінде тұратын, ұрпақтан-ұрпаққа қалдыратын, сыйлы қонақтарына ата-бабалары мен дарындыларын таныстырып, жайып салатын - энциклопедиясы спетті баға жетпес қазына, мәдени мұрамыз, тарихи төл шежіреміз.
Сондықтан Ұлы Даланың тұрғыны - қазақтың өткенін білгісі келетін өскелең барлық ұрпаққа және көпшілік оқырманға арналады.