Қасиетті қазына

Аманқос Назарұлы Ершуов

+77 (бонусов)

Ауылда тұрып, Алашқа белгілі болған белгілі ақын, ардақты ұстаз Аманқос Ершуовтың есімі жырсүйер қауымға кеңінен таныс. Алпысыншы жылдары поэзияға келген ақынның өлеңдері кең тынысты, қамтылар тақырып аясы кең. Сыршыл сезім, айшықты теңеулермен өрілген жырлардың өз оқырмандарына берері көп.

«Қасиетті қазына» кітабына ұстаз ақынның жас ұрпақтың санасына ұлттық тәлім-тәрбие беріп, салт-дәстүріміз бен қазақ табиғатын өлеңмен ұғындырып, өлеңмен тәрбиелеу саласында жазған туындылары еніп отыр. Жас ұрпақтың санасында туған халқына деген құрмет пен мақтаныш сезімін ұялатып, ұлттық рухты сіңіру, сондай-ақ ана тілі мен әдебиетін, тарихы мен өнерін қастерлеп, халықтық салт-дәстүрлерді аялай, ардақтай білуге тәрбиелеу — бүгінгі таңда басты міндеттердің бірі. Жас ұрпақтың ұлттық дүниетанымын қалыптастыруда қазақ халқының тйымдары мен ырымдары, наным-сенімдерінің психологиялық-педагогикалық тұрғыда алатын орны ерекше. Өйткені оларда халықтың ғасырлар бойы жинақтаған бай тәжирибесі сақталған, ұлттық рухани байлықтың қайнар көзі мен мүмкіндігі көрініс тапқан. Оның адам психологиясына тигізетін әсері айрықша. Жұлын-жүйкеңді босатып, жұлын тамырымен қуалай ағып, жүрекке қуат береді. Бұл кітапты мектеп жасындағы балаларға арналған ұлттық таным-түсінік пен әдептілік әліппесі деуге болады.