Сату ұят емес

Таир Нұғман

Автор Таир Нұғман сату жолындағы 11 жылдық тәжірибесін бір арнаға тоғыстырып, «Сату ұят емес» кітабын ұсынып отыр. Қазіргі заманда сатудың бұрынғы құралдары мен әдістері өтпей қалды. Себебі тағамның ГМО-дан жасалатыны сияқты сату да соңғы онжылдықта мутацияға ұшырап үлгерді. Ал автордың Shonbay Online университетіне келіп, 55 000 дана кітап, оған дейін 100 000 дана бауырсақ сатуына не әсер етті? Ол — сату психологиясы мен сатудағы жаңаша техникаларды қолдануы, эксперименттен қорықпауы.

Сатудың ұят емес, өнер екенін жеткізгісі келетін автор аталмыш кітапта әрбір кәсіпкер мен сатуға қатысы бар жандарға қажет скрипт пен ережелерді тереңінен ашады. Бизнесте, инфобизнесте, дүкенде, базарда саудасын арттырғысы келетін жандарға арнайы формулалар ұсынады. Одан бөлек, сатылым құйынына қатысты 80 түрлі идея да осы кітапта.

Өмірдің өзі сату мен сатып алудан тұрады емес пе? Ендеше, бұл кітап өзін, тауарын, қызметін сатуды үйренгісі келетін барша жанға, кәсіпкерлерге, сату мамандарына, продюсерлер мен эксперттерге, саудагерлерге және болашақта сатумен айналысқысы келетін барша оқырман қауымға арналады.

Барлық құқығы қорғалған. Автордың жазбаша келісімінсіз кітапты немесе оның бөлігін интернет желісіне жүктеуге және басқа да мақсатта пайдалануға болмайды. Барлық сұрақ пен ұсыныс бойынша авторға хабарласуыңызды сұраймыз.