Қазақтың дәстүрлі музықалық аспаптары. Казахские традиционные музыкальные инструменты. Kazakh traditional musical instruments

Зәбира Сыпатайқызы Жакишева

Өнертанушы-этнограф Сыпатайқызы Зәбира Жәкішеваның бұл еңбегі ел өмірі мен тарихының, өнері мен мәдениетінің ажырамас байлығы, төл мұрасы саналатын қазақтың дәстүрлі ұлттық музыкалық аспаптары жөніндегі бұрын жарық көрген ғылыми мақалалары мен ізденістерінің жалғасы.
Дәстүрлі музыкалық аспаптар тарихын қарастырудың өзегіне архаикалық заманалардан сыр тартатын тас мүсіндер, жартас таңбалары, үңгір қабырғаларына салынған петроглифтер, археологиялық қазбалардан табылып анықталған түпнұсқалар, сандаған музейлердің қорларында жинақталған этнографиялық көне аспаптар негізге алынған.
Кітап көркем безендірілген. Екінші бөліміне аспаптармен байланысты болып келетін аңыз-әңгімелер, наным-сенімдер мен халықтық ұстанымдар енген. Кітап жоғары сынып оқушыларына, тәрбие жұмыстарына қосымша оқу құралы ретінде мұғалімдерге, жалпы өнер сүйер көпшілік оқырман қауымға ұсынылып отыр.