Жоғары математика

1-кітап, 328 бет. Алдыңыздағы кітап — жоғары математика пәні бойынша техникалық жоғары оқу орындарының бакалавриат деңгейіндегі типтік оқу бағдарламасына сәйкес оқытудың кредиттік жүйесіне арналып жазылған үш бөлімнен тұратын кітаптарымыздың біріншісі. Бұл кітапта жоғары математиканың «Сызықтық алгебра, векторлық алгебра және аналитикалық геометрия элементтері» атты тараулары қарастырылған. Әрбір тақырып мынадай құралымында жазылған: дәріске арналған теориялық материал; сұрақтар мен тапсырмалар; студенттердің өзбетінше орындауына арналған 30 нұсқадан тұратын үй тапсырмалары (ҮТ); үй тапсырмаларын орындау үлгілері. Кітап техникалық жоғары оқу орындарының студенттеріне мен оқытушыларына арналған.

2-кітап, 532 бет. Мұнда жоғары математиканың «Математикалық анализге кіріспе. Бір айнымалды функциялардың дифференциялдық және интегралдық есептеулері» атты бөлімдері қарастырылған. Кітап келесі құрылымда жазылған: 1) теориялық курсқа арналған сұрақтар мен жаттығулар; 2) лекциялық курс; 3) студенттердің өздік жұмысына арналған үй тапсырмалары (ҮТ); 4) ҮТ орындау үлгілері; 5) бақылау жұмысына арналған есептер.

3-кітап, 640 бет. Мұнда жоғары математиканың «Көп айнымалды функциялар; Дифференциалдық теңдеулер; Еселі, қисық сызықты, беттік интегралдар; Қатарлар» атты бөлімдері қарастырылған. Кітап мынадай құрылымда жазылған: теориялық материал; сұрақтар мен тапсырмалар; 30 нұсқадан тұратын үй тапсырмалары (ҮТ); ҮТ орындау үлгілері; бақылау жұмысына арналған есептер. Техникалық жоғары оқу орындарының студенттеріне мен оқытушыларына арналған.

«Бастау» баспаханасында шығарылған, 2016 ж.