Тұрақты теңеулер сөздігі

Халық өмірінде жоқ нәрсе оның тілінде де болмайды. Ал бар және болған нәрсе тілде өз ізін қалдырады. Осындай тіл байлығын бойына мол жинақтаған асыл қазыналардың бірі — тұрақты теңеулер. Филология ғылымдарының докторы, профессор Т. Қоңыровтың (1935-1995) ұсынылып отырған осы сөздігінде халқымыздың рухани дүниетанымынан мол хабар беретін төрт мыңнан астам тұрақты теңеулер жинақталып, тақырыптық принцип бойынша жүйеленген. Сондай-ақ кітап соңындағы ғалымның «Қазақ теңеулері» атты зерттеу еңбегінің өзекті тұстары тіліміздегі теңеулер табиғатын тереңдеп тани түсуге жәрдемдеседі. Сөздік ана тіліміздің қыр-сырын жан-жақты игеріп, мәртебесін асқақтатып, қадір-қасиетін әспеттейтін қалың көпшілік қауымға арналған.