Харекет

Омар Жалелұлы

«...Бүгінде көптеген адамдар „ақша жоқ, кедеймін“ деп айтады. Себебін мемлекеттен, басқа адамдардан іздейді. Меніңше, ол — ақшаның жоқтығынан емес. Шын мәнісінде, адам барлық мін өзінде жатқанын сезбейді. Неліктен? Себебі, харекеттің жағдайын білмейді. Егер харекет жағдайын білсең, болмағанда, жүріп-тұруың керек. Яғни, әрекет етіп, амалын табукерек...

Біз балаларымызға „адам бол“ дейміз, бірақ «мал тап» деп айтпаймыз. Өйткені бізді совет үкіметі «мал деген жаман» деп үйретті. Сондықтан біз бүгін кедейшіліктің қамытын киіп отырмыз», — дейді автор. Адам баласы Алланың асыл сыйы ақыл қуаты мен табиғи мүмкіндіктерін құндылық ретінде тани алмауы себепті сәтсіздіктер, өзгелерді жазғырушылық дерттерінің шырмауында қалып қояды. Қазіргі танда еңбек және іскер адам ұғымдары қазақы танымға сай үлгіде мағыналық аясын талдау-түсіндіру арқылы кеңейтуді қажетсінуде. Автор осы мұрат үдесінен шығу үшін тер төккен.

Абайтанушы-ғалым Омар Жәлелұлының «Харекет» кітабы — ел руханиятының қоржынына түскен толайым олжа екендігіне сіз де көңіл қойып-көз жеткізіп, заман ырғағына ілесе отырыңыз, патша көңіл оқырман!