Қазақстан ХІХ ғасыр суретшілерінің шығармаларында - Казахстан в творчестве художников ХІХ века

Тарих ғылымының докторы В.З. Ғалиевтің бұл кітабында ХІХ ғасырдағы суретшілердің шығармаларындағы Қазақстанның өткен замандарындағы тарихы, археологиясы, этнографиясы тақырыбы көрініс тапқан. Суретшілердің өмірі жайлы жаңа да қызықты деректер келтіріліп, олардың қазақ халқының өмірі мен тұрмысы және оның жер көлемінің ерекшеліктерін ыждаһаттылықпен нұсқалағаны айтылады.
Альбомда орыс кескіндеме шеберлері: Е.М.Корнеевтің, К.Л.Брюлловтың, В.Ш.Штерренбергтің, Б.Залескийдің, Т.Г.Шевченконың, В.Г.Перовтың, В.М.Васнецовтың, Г.С.Седовтың, Н.Н.Каразиннің, В.В.Верещагиннің, А.Д.Шевченконың, мүсіншілер Е.А.Лансеренің, А.Л.Обердің, шығармаларының иллюстрациялары бар. Сонымен қатар, С.В.Иванов. М.М.Сажин, Н.Е.Ефремов, П.Лобоновский. А.Э.Макко, И.К.Волков, Н.Г.Хлудов, Б.Б.Смирнов, Л.В. Попов, В.Н.Белослюдов, П.В.Кузнецов, А.В.Исуповтардың жұмыстары беріліп басқа да көптеген суретшілердің шығармалары қазақтың сәулетшілік, сәндік-қолданбалы өнерінің баға жетпес нұсқаларын бейнелеп, бүгінгі ұрпаққа жеткізіп отыр.
Бұл кітап өнертанушыларға, суретшілерге, әдебиетшілерге, тарихшыларға, этнографтарға, сонымен қатар, Қазақстан тарихына қызығушылықпен қарайтын жұртшылыққа арналған.