Өнер. Түсіндірмесімен

Адамның өзіндей ең көне дүниенің бірі — өнер. Ол да адамзаттың өзімен бірге жасап келеді. Оның тарихымен танысып, қыр-сырын біліңіз. Сіздің жеке көркем галереяңыз бен сарапшы-жолнұсқаушыңыз —"Өнер. Түсіндірмесімен" атты кітапта 3000 жылдық тарихтағы әлемнің ең үздік суреттері мен мүсіндері жинақталған.

Бұл — есте жоқ ескі замандағы сурет-мүсіндерден бүгінгі көше өнері туғызған дүниелерге дейінгі әлемнің 500-ден астам ұлы туындысын қамтитын бірегей жинақ. Кітапта адамзат тарихындағы махаббат, жоғалту, соғыс, руханият, табиғат сұлулығы сияқты мәңгілік тақырыптарды бейнелеген өнердің мәні мен дамуы түсінікті тілмен баяндалады.

Әрбір туындының репродукциясы оның жасалу тарихы, көркемдік ерекшеліктері және мағыналық қырларын ашатын қысқаша түсіндірмелермен толықтырылған. Леонардо да Винчиден бастап Хокусай, Мунк, Тициан, Паула Рего сынды шеберлердің стилі мен әдістері қарастырылып, түрлі мәдениет пен дәстүрдегі бейнелеу өнерінің қыр-сыры оқырманға жақын да ұғынықты түрде ұсынылады. Бұл кітап — өнер әлемін жаңа қырынан танығысы келетін оқырманға арналған көркем әрі танымдық гид.