Заңды тұлғаларға

Тіркелу

Сайттың веб-нұсқасында тіркелу

Flip.kz сайтында тіркелу үшін сайттың жоғарғы бөлігіндегі «Кіру / Тіркелу» бөліміне өтіңіз.
Телефон нөміріңізді енгізіп, «Кіру немесе тіркелу» батырмасын басыңыз.

Көрсетілген нөмірге растау коды бар SMS хабарлама келеді. Кодты тиісті өріске енгізіңіз.
Дайын! Тіркелу сәтті аяқталды.

💡 Егер сіз бұрын электрондық пошта арқылы тіркелген болсаңыз, «Құпиясөз арқылы кіру» батырмасын басып, аккаунтыңызға кіру үшін құпиясөзіңізді пайдаланыңыз.

Алдағы уақытта аккаунтқа SMS арқылы келетін кодтың немесе бұрын электрондық пошта арқылы тіркелген болсаңыз, құпиясөздің көмегімен жылдам әрі ыңғайлы кіре аласыз.

Мобильді қосымшада тіркелу

Flip.kz қосымшасын ашып, «Профиль» бөліміне өтіңіз.
Телефон нөміріңізді енгізіп, SMS арқылы келген кодпен кіруді растаңыз.

💡 Егер сіз бұрын электрондық пошта арқылы тіркелген болсаңыз, «Кіру» батырмасын басып, құпиясөзіңізді пайдаланыңыз.

Осыдан кейін аккаунттың барлық мүмкіндіктерін қосымша арқылы пайдалана аласыз.

📌 Егер тіркелу кезінде қиындықтар туындаса, біздің қолдау қызметі әрқашан көмектесуге дайын.

Қалай тапсырыс беруге болады?

1. Қажетті тауарларды себетке қосыңыз.
2. Себетке өтіп, қажетті тауарларды белгілеп, «Тапсырысты рәсімдеу» батырмасын басыңыз.
3. Жеткізу тәсілін таңдаңыз — тізімнен немесе карта арқылы.
4. «Ұйымға тапсырыс беру» опциясын таңдап, ұйымның деректемелерін көрсетіңіз.
5. Төлем тәсілін таңдаңыз.
6. Енгізілген мәліметтерді тексеріп, «Тапсырысты растау» батырмасын басыңыз.

Төлем және шоттар

Заңды тұлғалар үшін келесі төлем тәсілдері қолжетімді:

• ұсынылған шот бойынша банктік аударым;
• сайттағы/мобильді қосымшадағы онлайн төлем;
• тапсырысты алған кезде қолма-қол ақшамен немесе банк картасымен төлеу.

Назар аударыңыз: қолжетімді төлем тәсілдері тапсырыс сомасына байланысты:

• 1000 теңгеден аз сомаға жасалған тапсырыстарды онлайн немесе қолмақол төлеуге болады;
• 1000 теңгеден 100 000 теңгеге дейінгі сомада (қоса алғанда) жасалған тапсырыстар үшін барлық төлем тәсілдері қолжетімді;
• 100 000 теңгеден асатын тапсырыстарды тек ұсынылған шот бойынша банктік аударым арқылы төлеуге болады.

Төлем шотын тапсырысыңыздың ішінде тікелей жүктеп алуға болады.

Ол үшін «Менің тапсырыстарым» бөліміне өтіп, қажетті тапсырысты таңдап, «Төлем шоты» батырмасын басыңыз.

Қандай құжаттар тапсырыстарға қоса беріледі?

Тапсырыспен бірге сіз келесі құжаттарды аласыз:

• Жүкқұжат;
• Көрсетілген қызметтер актісі — ақылы жеткізу рәсімделген жағдайда.

Шот-фактура (ЭСФ) электрондық түрде ұсынылады.

Назар аударыңыз: ТН Коды (Тауарлардың номенклатуралық коды) орындалған тапсырыс бойынша рәсімделетін электрондық шот-фактурада көрсетіледі.

Электрондық шот-фактура тапсырыс орындалған күннен бастап 15 күнтізбелік күн ішінде рәсімделуі мүмкін.

Заңды тұлғаларға төлем жасау үшін қандай мерзім беріледі?

Заңды тұлғаларға тапсырысты төлеу үшін 6 күн беріледі.

Назар аударыңыз:

• егер шот бойынша төлем тәсілі таңдалса, төлемді тапсырыс рәсімделген сәттен бастап 6 күн ішінде төлеу қажет;
   
• егер онлайн төлем тәсілі таңдалса, төлемді тапсырыс рәсімделген сәттен бастап 5 сағат ішінде төлеу қажет.

Тапсырысты қалыптастыру төлем түскеннен кейін және тапсырыс «Қалыптастырылуда» мәртебесіне ауысқан соң ғана басталады.

Төлем неғұрлым ертерек жасалса, тапсырыс соғұрлым тезірек жиналып, жөнелтіледі.

Егер төлем көрсетілген мерзім ішінде түспесе, тапсырыс автоматты түрде жойылады.

Тапсырысты бөлу

Заңды тұлғаларға рәсімделген тапсырыстарды бөлу қарастырылмаған.

Тапсырысты беру тәртібі

Заңды тұлғаға рәсімделген тапсырысты алу кезінде сенімхаттың түпнұсқасын ұсыну қажет.

⚠️ Маңызды: тауар тек сенімхатта көрсетілген тұлғаға ғана беріледі.

Егер сенімхат ұсынылмаса

ЖК үшін:

• жеке куәлік;
• мөр (егер ЖК мөрсіз жұмыс істейтін болса — «ЖК мөрсіз жұмыс істейді» деген жазбаша белгі).

ЖШС үшін:

• жеке куәлік;
• компанияның мөрі;
• басшының өкілеттігін растайтын құжаттың көшірмесі (мысалы, Жарғының немесе өзге де құжаттың көшірмесі).

Құжат көшірмесі компанияның мөрімен куәландырылуы тиіс және бізде қалады.

Тауарды заңды тұлғаға қалай қайтаруға болады?

Сапасы тиісті және тапсырысқа сәйкес келетін тауарлар заңды тұлғалардан қайтаруға қабылданбайды. Ақауы немесе кемшілігі бар, сондай-ақ тапсырысқа сәйкес келмейтін тауарлар қайтаруға қабылданады.

Қайтаруды рәсімдеу үшін тауарды жеткізушіге қайтару жүкқұжатын екі данада дайындаңыз. Онда тауардың нақты қайтарылған күнін көрсетіп, қол қойып, мөр басыңыз. Жүкқұжатсыз тауар қайтаруға қабылданбайды. Қаптамасы бүлінбеген, ал тауарда пайдаланылған іздер болмауы тиіс.

Тауарды Flip-тің фирмалық беру пунктіне өзіңіз жеткізуіңіз қажет. Серіктестік Flip Point пункттері қайтарылатын тауарларды қабылдамайды.

Тауар тексеріліп, қайтару рәсімделгеннен кейін ақша тапсырысқа төлем жасалған тәсілмен қайтарылады.

Қайтару шарттары туралы толығырақ Сіз мына жерден біле аласыз.