Бөкей Ордасы

Біздің тарихымыздың бір кетігін, бір жетпесін толтыратын мұрағаттық көне жазбалар екені сөзсіз. Сонау Бөкей ханнан бастау алатын Бөкей Ордасының тарихын байытуға кезінде орыс зерттеушілері мен сол кезде Ордада әр түрлі қызметте болған орыс зиялыларының еңбектерінің орны бөлек. Оқырман қолына тиіп отырған «Бөкей Ордасы» кітабының І томына В.В.Вельяминов-Зерновтың, И.С.Ивановтың, М.Я.Киттарының,К.Фукстың, Мұхаммед-Салық Бабажановтың және тағы басқа зерттеушілердің сол кездегі ішкі Ордадағы саяси ахуал мен халықтың әлеуметтік жағдайын нақты деректермен өте әсерлі жазған шығармалары еніп отыр. Бұл еңбектер тұңғыш рет қазақ тілінде жарық көрді. Кітап көпшілік оқырманға арналады.

"Бөкей Ордасы" кітабының ІІ томына зерттеуші ғалымдар К.Фукстың, М.Иванинның, А.Евреиновтың, Я.Альбрандтың, академик А.Н.Самойловичтің тағы басқа орыс оқымыстыларының зерттеу еңбектері, очерктері еніп отыр. Бұл еңбектерде Бөкей Ордасының алғаш рет отырықшылыққа қалай көше бастағандығы, малдәрігерлік саладағы жүргізілген тәжірибелер, даладағы өсімдіктер мен жануарлар туралы жан-жақты баяндалады. Бұл бағалы көне зерттеулердегі жер және адам аттарын барынша дәл, түсінікті етіп аударуға күш салдық. Кітап қалың оқырманға арналады.