Орфоэпиялық сөздік

Қазіргі заманда ауызша сөздің қоғамдағы орны айрықша мәртебеге ие болып, әлеуметтік мәнділігі күшейе түсті. Ауызша сөз жеке адамдар арасында, шаршы топта, сахна өнерінде, аудиовизуалды ақпарат құралдарында, электронды байланыс жүйелерінде тілдік қарым-қатынастың негізгі құралы болып отыр.

Назарларыңызға ұсынылып отырған бұл Сөздікте әдеби тілдің дыбысталым нормалары жүйеленіп берілді. Қазақ тілі дыбыстарының үндесім (сингармонизм), үйлесім (ассимиляция) үлгілері көрсетіліп, кітап соңында әдеби тілдің орфоэпиялық ережесі ұсынылды.

Кітап ел-жұртпен қоян-қолтық жұмыс істейтін мемлекеттік қызметкерлердің, шаршысөз мәдениетіне ден қойған қауымның, қалың жұртшылықтың пайдалануына арналған.