Қазақ ру-тайпаларының тарихы: ХІ том «Дулат» (2-кітап)

Қазақ ру-тайпаларының тарихы ғылыми-зерттеу жобасы аясында жарық көріп отырған он бірінші том — «Дулат» атты еңбекте ерте ортағасырлардан ХХ ғасырдың басына дейінгі Дулат тайпасының тарихы баяндалған. Әртүрлі деректер мен нақты зерттеулерді талдау негізінде дулаттардың арғы бабаларының тарихи тағдыры, олардың Мәуереннахр, Шағатай мен Жошы ұлысы және Алтын Орда құрамындағы және ол ыдырағаннан кейінгі Моғолстан, Әмір Темір және оның ұрпақтары мемлекеті, Қазақ хандығы тұсындағы этникалық процестердегі, ұлт-азаттық қозғалыстарындағы орны мен рөлі көрсетілген. Тарихымызда зерттеле қоймаған «ақтаңдақ» мәселелер — Ұлы жүздегі көпсанды тайпалардың бірі дулаттардың этникалық тамыры, оның шежіре деректері, түркі халықтарында және қазақ жерінде шашырай орналасуының себеп-салдары және т.б. көптеген тың мәліметтер негізінде баяндалған.

Том тарихи суреттермен, карталармен, ғылыми аппаратпен көрсеткіштермен жабдықталған. Тарихшыларға, Отан тарихы пәнінің оқытушыларына, еліміздің, қазақ халқының күрделі тарихының этникалық мәселелері қызықтыратын оқырмандардың қалың тобына арналған.